Lajmi i ditës së djeshme, se aktorja shqiptare me famë botërore Eliza Dushkun ishte përdhunuar në moshën 12-vjeçare bëri bujë në media.
Pas deklaratës së Dushkut ka reaguar për Daily Mail Joel Kramar, personi që sipas aktores abuzoi seksualisht. Joel Kramar i mohoi akuzat duke thënë se Eliza e bëri këtë gjë për të prishur karrierën e tij.
“Është diçka që nuk do ta bëja kurrë dhe nuk e kuptoj si e ka bërë këtë. Unë jam i pafajshëm…ajo ishte një fëmijë i ëmbël dhe unë e kam trajtuar gjithmonë si vajzën time. Jam i shokuar dhe nuk e di pse ma bëri këtë. Është një gënjeshtër”- është shprehur Joel Kramar.
Sakaq Kramar ka zbuluar dhe një detaj tjetër ku thotë se Eliza në atë kohë përdorte makinën e siguruar nga kompania e filmit dhe se nuk kishte pse të përdorte taksi, siç ka thënë Eliza Dushku në deklaratën e saj.
