Në seancën që zgjati disa orë në KPK, përfaqësuesi i ONM-së Theo Jacobs është përfshirë në debate me prokurorin e Durrësit Arjan Ndoja, në këtë rast subjekt i rivlerësimit.
Jacobs është shprehur prerë se nuk do të kishte dashur një prokuror si Ndoja, ndërkohë që i ka konsideruar të pavërteta deklarata e tij se nuk ka kontakte me persona të inkriminuar, shkruan faxweb.
“Meqenëse kam te drejtën të ndaj opinionin tim me ju. kur po përgatitesha për seancën po mendoja nëse do doja të kisha një prokuror si ju? Po ta them qartë: Jo ! Kur ju u rikthyet në 2008 mbasi ishit pezulluar për disa vite kam kontrolluar deklaratën tuaj dhe ju në atë kohë deklaronit se fitonit 250 mijë euro në vit si avokat. Nuk e di se sa gjyqtarë nga 2005 deri në 2007 fitonin po aq sa ju? Shumë gjyqtarë do të kishin qenë të lumtur nëse do fitonin si ju. Unë pyes pse ky individ do dojë të jetë prokuror kur krahasuar me pagën e prokurorit që fitonte 1 të dhjetën që ju fitonit si avokat. Ju thoni që u bëtë prokuror sepse donit t’i shërbenit vendit dhe doni të kapni kriminelë. E di nga ky proces , por ju nuk jeni një prej tyre. Arsyeja e dytë ju lëvizni nën shoqërinë e personave te gabuar dhe kjo nuk do të thotë që ka lidhje me hetimet tuaja, por sidomos në Shqipëri këta persona që nuk janë dënuar, kjo është një përgjigje në një kontekst shqiptar”, mësohet të jetë shprehur ai.
Në përgjigje ndaj përfaqësuesit të ONM, prokurori Ndoja u shpreh se e gjithë pasuria e tij është e ligjshme dhe se ai plotësonte kushtet ligjore për të qenë prokuror. Vendimi për prokurorin e Durrësit do të jepet në datën 6 maj.
