Kryetari i sapozgjedhur i Komunës së Tuzit, Nik Gjeloshaj, ka deklaruar se shqiptarët në Tuz, kanë rikthyer vetëbesimin dhe shpresën për të ardhmen në trojet e veta.
Në një intervistë ekskluzive për gazetën “Evrope”, ai u shpreh mes tjerash se një bashkim i tillë ka fituar mbështetjen e opinionit mbarëshqiptar për ruajtjen e vlerave të shenjta kombëtare.
“Vullneti i dëshmuar në zgjedhjet lokale, dëshira për të instaluar një pushtet shqiptar në krye të komunës të bindur se kjo duhet të jetë e ardhmja jonë, janë sfidat që duhet përballur por, edhe për të realizuar pikësynimet tona programore. Aq më parë pasi përgjegjësia bie mbi ne, sepse ne ishim ata që iu qasëm punës me përkushtimin më të madh në sensibilizimin e opinionit shqiptar, jo vetëm në trevën e Tuzit dhe të Malësisë”, ka thënë Gjeloshaj.
