Debatit nëse duhet që të ndalohen ose jo filmat e përiudhës së komunizmit i është bashkuar së fundmi dhe aktorja Ema Andrea. Aktorja thotë se më mirë do ishte të censurojmë telenovelat turke e indiane e çdo telenovelë që dëmton shëndetin mendor.
Përmes një postimi në facebook Andrea shprehet se këto telenovela dëmtojnë dhe figurën e femrës.
“Unë jam gjallë dhe nuk lejoj qe ideologjia maskiliste e këtyre veprave të dobëta artistike të më lëndojë apo të drejtojë edukimin e brezit të ri kundrejt femrës!”- shkruan Ema Andrea.
Më tej ajo ironizon duke thënë se do të hapë një shoqatë e do marr ca fonde për këtë fushatë.
