Filipinet kanë pezulluar veprimtarinë tregtare me Korenë e Veriut për të përmbushur një rezolutë të OKB-së që imponon sanksione më të ashpra kundër Phenianit lidhur me testimet e vazhdueshme bërthamore.
Sekretari i Punëve të Jashtme, Alan Peter Cayetano njoftoi se Departamenti i Tregtisë dhe Industrisë është udhëzuar nga zyra e presidentit për të mbështetur rezolutën e Këshillit të Sigurimit të OKB-së kundër Phenianit.
“Ne do të respektojmë plotësisht rezolutën e Këshillit të Sigurimit të Kombeve të Bashkuara duke përfshirë sanksionet ekonomike. Ne kërkojmë denuklearizimin në Gadishullin Korean. Ne jemi kundër çdo faktori që shkakton paqëndrueshmëri dhe provokime, ne jemi për dialog”, tha Cayetano.
Filipinet janë eksportuesi i pestë më i madh në Korenë e Veriut, ku 60 për qind e eksporteve të tyre përfshijnë kompjutera të integruar, të cilat Koreja e Veriut mund t’i ketë përdorur për testet e tij bërthamore dhe raketore.
