Policia e Fierit ka arrestuar tre punonjës sigurie të cilët ruanin pajisjet e Gazsjellësit TAP. Sipas policisë dyshohet se punonjësit në bashkëpunim me njëri-tjetrin kanë vjedhur 400 litra naftë dhe disa pajisje të tjera.
Në pranga kanë përfunduar shtetasit Piro Gjini, 50 vjeç, banues në lagjen “8 Shkurti”, Endri Buzi, 21 vjeç, banues në fshatin Kallm i Madh dhe Hyqmet Gremi, 40 vjeç, banues në lagjen “8 Shkurti’ në Fier.
Policia informon se “këta shtetas kanë vjedhur, duke shpërdoruar detyren në objektin që kishin nën ruajtje, një sasi prej 400 litra naftê si dhe një sasi prej 75 copë tranversa në pronësi të firmës “Spiecapag” që është firma nënkontraktuese e Gazsjellësit Tap.”
Policia ka arrestuar në flagrancë edhe shtetasin Karafil Agaçi, 32 vjeç, banues në fshatin Suk, Rroskovec. Arrestimi i këtij shtetasi u bë pasi ky shtetas ka përvetësuar nëpërmjet korruptimit të punonjësve nje sasi prej 55 copë tranversash.
