Saimira Beqo, shpërndarëse farmaceutike në Francë ka deklaruar në emisionin ABC-ja e Mëngjesit se vaksinimi në Francë ka nisur në dy qendra. Ajo theksoi se deri në pranverën e vitit 2021 është parashikuar që të vaksinohen 30 milionë banorë. Beqo shtoi se ky proces po ecën me ritme të ngadalta pasi pjesa më e madhe e qytetarëve janë skeptikë.
“Ka nisur vaksinimi në dy qendra. Farmacia është në qendër të këtij koordinimi. Në tre fazat që janë fiksuar për të bërë vaksinimin deri në pranverë të 2021 parashikohen të vaksinohen 30 milionë banorë. Franca është një shtet që ecën me hapa të ngadalta sepse njerëzit janë shumë skeptikë dhe nuk pranojnë kollaj një gjë të re. Francezët pranojnë më shumë metoda tradicionale. Pjesën më të madhe të vaksinës do e marrin te Astra Zeneca sepse i afrohet më shumë këtyre kushteve”, deklaroi ajo.
Beqo përmendi grupet që do të vaksinohen në tre fazat e para kur do vihen në dispozicion 6000 farmaci për shpërndarjen e vaksinës. Ajo u shpreh se personat që e kanë kaluar COVID-in nuk i ndalohet të bëjnë vaksinën.
“Unë jam shumë dakord me ato që u thanë. Vaksina që është prodhuar nga Pfizeri ka sfiduar proteinën e virusit. Që ta kapë virusin dhe ta eliminojë para se të shkaktojnë probleme të tjera. Ka tre faza që do aplikohet vaksina. Filloi dje dhe do vazhdojë në Janar në shtëpinë e të moshuarve. Personeli shëndetësore që shërben në këto ambiente.
Faza e dytë në shkurt dhe Mars vazhdon me moshat mbi 75-vjeç. pastaj nga 64 deri në 75-vjeç. Faza e tretë do vazhdojë me moshat nga 50 deri në 64 vjeç. Unë jam në moshën mbi 50-vjeç dhe do më bjerë radha në pranverë. Unë e kalova COVID-in por nuk është e ndaluar ta bësh. Do vihen në dispozicion 6000 farmaci për të shpërndarë vaksinën. Që të vazhdojë vaksinimi në popullsi duhet të rritet besimi i popullsisë”, tha Beqo./abcnews
