Këngëtarja Aurela Gaçe përveç komunikimit të pandashëm që ka me fansat përmes skenës një rëndësi shumë të madhe i jep edhe atij virtual.
Në jo pak raste ajo ndan me miqtë dhe fansat emocione që ka marrë prej tyre në performanca të ndryshme të saj.
Së fudmi Gaçe ka postuar fotografinë e një pikture të realizuar një një 19-vjeçar.
Këngëtarja thotë se “në këmbim” djali i ka kërkuar të këndojë këngën “Fati ynë shpresë e marrëzi”.
“Çfarë dhurate mora mbrëmë në skenë. E pashë një djalë shumë të ri që më zgjaste punen e tij me emocion. E pyeta sa vjeç ishte…vetëm 19 vjeç . E pyeta çfarë kënge donte nga unë dhe përgjigjja ishte: ‘Këngën nga ku mora frymëzimin për këtë pikturë, “Fati ynë shpresë e marrëzi…E imagjinoni vetë se çfarë mund të ndjej nga gjithe kjo dashuri. Kënga vetë i ka 20 vjet që është kënduar… dhe ky djale vetem 19. Ndihem e bekuar. E bekuar. Rikardo Qoku, nga Saranda e bukur, faleminderit me shpirt!”, ka shkruar Gaçe.
