Ngjarja e ndodhur mbrëmë në Velipojë ka tronditur vendin. Famullitari i Shkodrës dom Vlash Palaj dha disa mesazhe për shoqërinë dhe politikën që të reflektojnë pas masakrës.
“Nuk është normale kjo situatë, çdo kush të reflektojë. Prandaj dikush t’i thërrasë mendjes se papërgjegjshmëria e atyre të cilët janë autoritete për administrimin e këtyre të mirave të cilat i ka fal Zoti, papërgjegjshmëria vret. Por edhe mungesa e shpirtit, mungesa e vlerës së jetës që jetojnë vetëm për t’u pasuruar edhe ajo vret sepse ai mëkat, sepse ajo vrasje që ka ndodhur e ka një zanafillë të saj. Nëse ti abuzon vazhdimisht me të keqen ta dish se një ditë e keqja, e keqja do të bëjë shumë keq”, tha ai ndër të tjera.
Mbrëmjen e djeshme janë publikuar edhe fotot e katër personave që humbën jetën nga përplasja në Velipojë.
