Në një lajm të publikuar nga Top Channel u trajtua historia e një familje që prej 10 ditësh jeton në trotuar.
Ata janë të pastrehë, pasi shtëpia e tyre e ndërtuar buzë lumit të Lanës u është prishur para një viti në kuadër të projektit për vijimin e Unazës së madhe.
Për 9 muaj jetuan në një banesë me qira, por tashmë i kalojnë ditët e netët në trotuar.
Sipas Bashkisë Tiranë, çifti Kojku nuk kanë pranuar pagesën e qirasë nga Caritas.
“Nuk pranojnë as pagesen për qira prej 200.000 që ju ofrua nga Caritasi. Duan shtëpi, në të kundërt thonë se do rrinë rrugë”, thuhet në reagimin e bashkisë.
Më tej në reagimin e bashkisë thuhet se çifti ka refuzuar të ndihmohet nga Motrat e Nënë Terezës, të marrë bonus, apo të shkojë në azil.
Sipas bashkisë edhe pse kjo familje do të ndihmohej përmes ndihmës së siguruar nga bashkëpunimi me Caritas është në listën e bonuseve që do të miratohen nga Këshilli Bashkiak.
Më poshtë është fotoja e çiftit Kojku të cilët janë fotografuar mëngjesin e sotëm.
