Ky është Dylan Askin, i cili tashmë ka mbushur katër vjeç. Sot, ai duket një fëmijë si gjithë të tjerët, por kur ishte vetëm dy vjeç vuante nga një tumor shumë i rrallë në mushkri, të cilin diagnoza e përcaktoi me emrin istiocitosi polmonare. Situata u përkeqësua dhe i mituri ra në koma të thellë, ndërsa mbahej në jetë vetëm nga makinat. Gjatë ditëve të Pashkës të vitit 2016, mjekët u bënë gati të hiqnin makinat, por pikërisht në këtë dekikë prindërit shquan se në ekrane po jepeshin shenja të aktivitetit cerebral të fëmijës.
Ajo që nuk pritej ndodhi dhe Dylan u zgjua. Për një vit ju nënshtrua kimioterapisë dhe tani është krejt i shëruar. Nëna e Dylan, Kerry thotë se nuk është fort besimtare, por në këtë rast beson tek mrekullia.
Kurse për të tjerët ndoshta ia vlen që ky rast të hapë sërish debatin për eutanazinë. Nëse fëmija nuk do i kishte dhënë shenjat e jetës, me cilën të drejtë mund ta largosh nga kjo botë?
