Kryeministri Edi Rama, në një konferencë të përbashkët me liderët e “Ballkanit të Hapur”, është shprehur se nuk duhet që të bëhet më shumë presion ndaj Serbisë dhe se nuk duhet të humbasë besimi i shqiptarëve në BE pavarësisht farsave.
Pas samitit të BE, ku nuk pati asnjë lajm pozitiv për hapjen e negociatave, Rama tha me ironi se lutja e tij është që BE të mos bëhet kongregacion priftërinjsh.
“U përpoqa t’ju shpjegoj se flasim për një vend ku popullariteti i Putinit është 80 përqind. As nuk e telefonova Vuçiçin se mund të më thoshte ndjesë por duhet të kaloj në anën tjetër dhe kjo do të ishte fundi i çdo marrëdhënieje. 3 herë janë harmonizuara me BE kundër Rusisë. Nuk e kuptoj çuarjen e gjërave në kufi sepse Serbia nuk është në pozicion për të realizuar kaq shumë kaq shpejt dhe çuarja do të japë efekt të kundërt. Pastaj ajo çfarë do të ketë kosto është agjenda europiane e Serbisë. Pavarësisht Ballkanit të Hapur, nuk duam luftë, nuk kemi nevojë për konflikt, gjakderdhje dhe tensione, duam të ecim para drejtë BE. Ka shumë goditje me të cilat duhet të merren dhe nuk duhet të ndezim një goditje tjetër. Thirrjen time të fundit është mos lini që besimi që shqiptarët kanë tek Europa pavarësisht farsave sepse për herë të parë kemi mundësi të jemi aty ku duam, për ne Europa nuk është Brukseli, është fe. Shqiptarët do të vazhdojnë. Lutja ime për ta ishte ju lutemi mos e lini BE të bëhet kongregacion priftërinjsh që diskutonin seksin e ëngjëjve ndërsa binin muret e Konstadinopojës.
