Në lidhje me fotografië e shumëpërfolur duke bërë shqiponjën me duar me këngëtaren tjetër shqiptare, Eleni Foureira, Eurgent Bushpepa ka rrëfyer se grupi qipriot i ka kërkuar ta heqë foton nga Instagrami.
I ftuar mbrëmjen e djeshme në Opinion, Eurgenti foli për eksperiencën në Eurovizion.
“Ata të Qipros më kërkuan ta heq foton, ndërsa ishte vetë Eleni ajo që më tha ta mbaj. Kërkonin ta hiqnin foton, sepse e dinin që do të kishte më shumë polemika në lidhje me këtë çështje”, ka thënë Bushpepa.
Eugent Bushpepa u rendit i 11-ti me këngën “Mall”, ndërkohë që Eleni u rendit e dyta me këngën “Fuego”, me të cilën përfaqësonte Qipron. Ndërsa çmimi i parë u fitua nga këngëtarja izraelite Netta Barzilai.
