Pak ditë më parë, Ersida Dyrmishi dhe bashkëshorti i saj denoncuan në polici se 30-vjeçarja ishte marrë peng nga 32-vjeçarin Marjus Musaku për 9 ditë në një banesë me qira në Durrës.
Nëna e dy fëmijëve pretendon se ai e kishte detyruar të kryenin marrëdhënie seksuale nën kërcënimin e një thike teksa e mbante peng dhe e kishte detyruar të bashkëjetonte me të.
Musaku deklaroi në polici pas arrestimit se ata duhen dhe se ajo kishte ardhur me dëshirën e saj. I riu nga Lushnja i mohoi deklaratat duke përgënjeshtruar faktin e mbajtjes peng. Musaku tha se ata kanë një histori dashurie.
“Nuk e kam mbajtur peng. Ajo ka ardhur me dëshirën e saj. Ne kemi një histori dashurie, kemi qenë bashkë këto ditë”.
Nga ana tjetër, versionin e Musakut e mbështesin edhe familjarët e këtij të fundit, tejet të indinjuar për deklaratat e të resë. Në një rrëfim, familjarët e Musakut shprehen se Ersidën e njihnin pasi i kishte prezantuar Marjusi dhe kishin lidhje të ngushta me të.
Ata thonë se ndjehen të shqetësuar për të birin që po mbahet pas hekurave për një krim që nuk e ka kryer pasi 30-vjeçarja ka shkuar me të me dëshirë pasi ata ishin të lidhur prej disa muajsh.
Gjithashtu, familjarët kanë publikuar dhe mesazhet në Telegram mes Marjusit dhe Ersidës, e cila vërteton se ata ishin të lidhur prej muajsh.
Familjarja e tij shkruan:
“Po ju shkruaj jam **** e Marjus Musakut. Tani më falni pse nuk i poston faqja juaj mesazhet nga familjaret mund të na japësh një përgjigje?
Marjusi nuk ka marr njeri me zor dhe as nuk ka përdhunuar njeri. Ne si familjar ishim në dijeni të lidhjes së tyre prej disa muajsh. Vajza shkëmbente në mënyrë të vazhdueshme mesazhe telefonata dhe madje dhe foto intime te cilat të gjitha të faktuara do paraqiten në gjykatë. Kur kjo grua nuk ka dashur pse i ka takuar familjaret e Marjusit? Unë vetë personalisht jam takuar me Ersiden ku kam shkuar te parukierja e saj kam ber dhe krehje.”
