Këngëtari shqiptar Ermal Meta do te jëtë pjesë e jurisë, e cila do të gjykojë konkurentët e emisionit të famshëm “Amici” drejtuar nga Maria de Filipi.
Një emision kushtuar talenteve të reja në këngë dhe në baletë. Ermal Meta do të jetë pjesë e netëve finale si profesionist, i cili do të gjykojë të rinjtë.
“Amici” nuk është një emision i panjohur në Shqipëri pasi në të kanë marrë pjesë edhe balerinë si Ambeta Toromani, Kledi Kadiu, i cili tashmë është mësues në serial e plot shqiptarë të tjerë që kanë shkëlqyer me talentin e tyre.
Por, ky është viti i këngëtarit Meta, i cili në festivalin e këngës në “Sanremo” rrëmbeu plot çmime. Ndërsa kënga e tij “ Vietato morire” u shndërrua në hit.
