Pas pjesëmarrjes në festivalin e Muzikës “Sanremo 2017” dhe pasi mori çmimin e kritikëve “Mia Martini”, këngëtari shqiptar Ermal Meta, ka nisur një tur muzikor në Itali.
Gjatë koncertit që mbajti mbrëmjen e djeshme në Verona, Ermal Meta u shfaq në skenë teksa krahëve kishte hedhur flamurin shqiptar. Këtë fotografi Meta e ka shpërndarë në facebook.
Në Festivalin italian “Sanremo” Meta doli fitues i çmimit të tretë, i çmimit të kritikës dhe i çmimit “Serata Cover”, duke rikënduar këngën e famshme të Domenico Modugno “Toka ime e hidhur”, me motive arbëreshe.
