Ermal Hoxha, nipi i diktatorit Enver Hoxha la qelinë tre vite pas dënimit për trafik droge e mbetur në tentativë.
Bashkëshorti i këngëtares dhe modeles Rezarta Shkurta Ermal Hoxha u arrestua gjatë operacionit Xibraka, pasi u zbulua një laborator i sofistikuar përpunimi kokaine më 14 janar të 2015.
E lumtur për rikthimin e të shoqit, në profilin e saj në Instagram, Rezarta ka postuar një video ku babë e bijë shfaqen së bashku dhe në sfond kënga e Alban Skënderaj dhe Miriam Cani, “Dhurata”.
“Familja ime e vockël u bashkua. Faleminderit për cdo fjalë e mbështetje që kam ndjerë nga ju, këto vite të vështira… Uroj nga zemra për gjithsëcilin nga ju, të gjitha urimet që më keni dhënë, t’ju kthehen në bekime në jetet tuaja”, ka shkruar Rezarta.
https://www.instagram.com/p/Bn1uBtjADyw/?taken-by=rezartashkurta
