Kryetari i Bashkisë Vlorë, Ermal Dredha, nuk i ndryshon planet e tenderave, edhe pse qyteti u përmbyt dhe ka nevojë për investime në kanalizime. I tillë i është tenderi i fundit që do t’i japë një bojë Galerisë. Me sa duket, për të marrë ndonjë lavdërim nga Rama që është piktor, kryetari është kthyer nga arti. Dredha ka hapur tenderin me objekt ‘Rikonstruksioni i Galerisë’. Me këtë rast është shfaqur edhe talenti i tij si zyrtar në “artin e tenderave”.
Galeria e Arteve në Vlorë është pjesë e godinës trekatëshe të Pallatit të Kulturës, por vetë galeria disponon vetëm dy salla, një në katin e parë dhe tjetrën në katin e dytë, të dyja 240 metra katrorë.
“Qëllimi i projektit të rehabilitimit është të krijohen kushte te favorshme për vendosjen e pajisjeve dhe hapësirave ndihmëse për ushtrimin e funksioneve të një galerie bashkëkohor edhe ne shërbim te komunitetit. Hapësira e galerisë artikulohet ne dy salla, te pozicionuara ne dy kate. Ne katin përdhe ndodhet salla me e madhe me arkivën përkrah. Ne katin e pare një salle tjetër qe nuk ka komunikimin te drejtpërdrejtë me sallën e pare, por duhen te përdoren ambientet përreth pre t’u aksesuar. Salla e katit përdhe është 150 m2 dhe hapësira ne katin e pare është 92 m2”, thuhet në dokument.
Pra vetëm për të rikonstruktuar këtë hapësirë Dredha do të hedhë 130 milionë lekë.
Dredha e la garën hapur për dy javë, por vetëm firma ASI-2A CO sh.p.k e Astrtit Gjikondajt kishte dorëzuar një ofertë me vlerë 126 milionë lekë.
Pra, ishim në kushtet që oferta e vetme ka vlerë të afërt me fondin limit, nuk ka konkurrentë të tjerë përballë, prandaj kjo procedurë duhej anuluar. Nuk ka ndonjë urgjencë për këtë rikonstruksion edhe sikur të shtyhej deri në ardhjen e ofertave më të përshtatshme.
Por, në Vlorë vendos Dredha dhe procedurat kanë vijuar sipas menysë së tij. Më datë 22 tetor 2024 është publikuar kontrata që për disa javë u mbajt larg syve të publikut.
Open Data Albania i ka vendosur tenderit ‘Flamurin e Kuq’ që tregon riskun e korrupsionit, megjithatë APP e e ka regjistruar kontratën pa pengesë.
Me ardhjen në krye të bashkisë Ermal Dredha e ka pasur kompaninë “ASI-2A CO” një kliente të rregullt duke e favorizuar në tendera. Gijotina.com ka raportuar pak kohë më parë se si Dredha i dha pa konkurrencë Gjikondajt 60 milionë lekë për mikrofona e karrige për kinemanë tek Pallati i Kulturës, si dhe 80 milionë lekë për një ekskavator. Këto janë vetëm tenderët e fundit por Gjikondajt janë të privilegjuar nga shumë bashki të tjera. Pak ditë më parë kjo kompani mori 500 milionë lekë nga Bashkia Peqin për të rikonstruktuar një rrugë që kishte rrëshqitje.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/201
