Erion Veliaj ia gjen vendin edhe fondit 2.3 milionë euro, i destinuar për asfalt para zgjedhjeve të vitit 2025. Këto para do të shkojnë tek dy bashkëpunëtorë të vjetër që i ka favorizuar më herët në tenderat e bashkisë Tiranë. Këtë herë Veliaj ka abuzuar me prokurimin me objekt ‘Rehabilitimi i infrastrukturës rrugore në njësinë Administrative Vaqarr-Pezë-Ndroq’. Duam, të sqarojmë se nuk bëhet fjalë për të gjitha rrugët në këto zona, por për 4 rrugica lokale në total.
Sipas dokumenteve, do të bëhet shtrim me një shtresë asfalt në rrugët: Rruga e Burgut fshati Vaqarr, në vazhdim Rruga ka gjatësi 600 metra
Rruga e fshatit Mënik, Ndroq ka gjatësi 2700 metra
Rruga te Ura Tabakes (te Ambulanca Peze Helmës) me gjatësi 600 metra;
Rruga te bregu i Erzenit, Pezë me gjatësi 900 metra.
Në total do të shtrohen 4.5 km rrugë, ku në dokumente përcaktohet qartë që kanë nevojë për nivelim me çakëll, pastrimi i shkurreve në anësorë dhe më pas hedhja e një shtrese 4.5 cm asfalt, punime që duhet të mbyllen brenda 6 muajve. Me këto të dhëna vetëm Veliaj mund të shpjegojë përse duhen 2.3 milionë euro!
Komisioni i vlerësimit të ofertave ka fshirë nga gara 26 kompani, për të favorizuar haptazi dyshen Artur Caushaj dhe Shpëtim Varaku. Me kompanitë e tyre LTE CONSTRUCTION sh.pk – VARAKU-E sh.pk ata dorëzuan një ofertë me vlerë 1.8 milionë euro për këtë projekt. Por ofertat e tjera me vlera që nisnin nga 1.3 milionë euro në 1.5 milionë euro, të gjitha u skualifikuan në fazën e parë nga komisioni i Veliajt, duke mos respektuar kriteret që kërkon ligji.
Kështu, deri në fazën finale mbeti vetëm oferta e dy biznesmenëve të paracaktuar, që u shpall menjëherë fituese dhe më datë 18 tetor 2024 është bërë publike kontrata në Agjencinë e Prokurimeve Publike.
Open Data Albania e ka vlerësuar tenderin me “flamur të kuq”, që është shenja e riskut të korrupsionit.
Ndërkohë propozimet e bëra nga kompanitë për këtë projekt dëshmojnë gjithashtu se fondi i vendosur nga Erion Veliaj është i fryrë! Ndërsa Artur Caushaj dhe Shpëtim Varaku në kohët e fundit janë bërë një dyshe e pandarë dhe përfitojnë tenderët nga bashkitë.
Artur Caushaj që njihet shumë në Tiranë, për shkak të tenderëve pa garë të firmosur nga kryebashkiaku Erion Veliaj. Sidomos për betonizimin në zonën e Liqenit Artificial. Shpëtim Varaku gjithashtu është e favorizuar në tenderë pa garë, sidomos në bashkinë Durrës.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/201
