Ka nisur gjyqi në themel për dosjen e Erion Veliajt, por vetë kryebashkiaku nuk është i pranishëm.
Kryesuese është gjyqtarja Ëngjëllushe Tahiri, ndërsa dy relatorët do të jenë Alma Kodraliu dhe Rudina Palloj. SPAK përfaqësohet me prokurorin Ols Dado. Erion Veliaj është njoftuar për seancën dhe ka depozituar një deklaratë ku thotë se “nuk dua të paraqitem”. Gjithashtu në të thekson se “s’ka bërë ende seancë paraprake e jo më të jetë në fazën e themelit për gjykim”.
Ai mbrohet nga avokatja kryesisht, Valentina Teodoresku.
Edhe Ajola Xoxa, bashkëshortja e Erion Veliajt nuk është paraqitur në GJKKO për gjyqin. Ajo ka dërguar në sallë avokatin Maks Haxhia, i cili ka deklaruar se Xoxa nuk mund të marrë pjesë në seancë pasi ia ka ndaluar mjeku të shkojë për shkak se është shtatzënë.
Haxhia: Klientja është në pamundësi shëndetësore, është shtatzënë, ia ka ndaluar mjeku që të vijë, i kam kërkuar të sjellë aktin e mjekut.
gijotina.com/
