Deputeti i Partisë Socialiste, Erion Braçe, me anë të një postimi në rrjetin social ka shpërthyer ndaj një biznesmeni nga Lushnja. Ky reagim i ashpër nga ana e deputetit vjen pas protestës që fermerët e Myzeqesë kanë organizuar ditën e djeshme duke bllokuar për disa minuta vendin e quajtur “Rotondo e Plugut”.
Atyre iu është bashkuar dhe biznesmeni Ejup Ahmeti, pronar i pikës së eksporteve “DONI Fruits” në Lushnjë.Deputeti socialist Erion Braçe publikon foton e tij dhe shkruan:
Ky qe shihni ne foto eshte Ejupi i “DONI Fruits”!
Ejupi dhe Edi-ekonomisti i tij jane si mishi me thoin; Njeri-Ejupi eshte bere keto dite zeri i eksportuesve te produkteve bujqesore, Tjetri-Edi (ekonomisti i tij) eshte bere zeri i bujqve!!!!!!!!!!!
Se si mund te jene bashke edhe ai qe ja zhyt bujqve me cmime, edhe ai qe duhet te mbroj bujqit nga cmimet e te parit, zor ta marresh me mend; Por ja, jane!
Braçe thotë se biznesmeni Ejup Ahmeti ka pikën më të madhe të eksporteve në Lushnjë dhe këtë ia ka ndërtuar qeveria shqiptare. Deputeti tregon disa nga përfitimet që biznesmeni në fjalë, sipas tij, ka përfituar dhe e pyet se çfarë do më shumë nga Qeveria socialiste.
“Ejupi ka piken me te madhe te eksporteve ne #Lushnje, ja beri #Qeveria-kjo qeveri (afer 100 milion leke te reja, plus rrugen nga Fzhsh, plus linje te dedikuar per energjine nga Oshee, plus linje te dedikuar uji nga UK Lushnje);
Ejupi eshte nje nga perfituesit me te medhenj nga Tvsh per bujkun (sipas shifrave nga tatimet); Ejupi eshte nje nga perfituesit me te medhenj nga cmimet dhe trajektorja e tyre (sipas shifrave nga doganat).
Kam dy pyetje per Ejupin dhe Edin-ekonomistin e tij:
E para; A ke ti Ejup para pa ju dhene bujqve, sa eshte vlera, sa muaj vonese jane keto para per mallin e blere nga bujqit?
E dyta, cfare do me shume nga kjo qeveri ti Ejup?”
