Christian Eriksen lëshon sinjale plot shpresë e kurajo pas atij momenti ku tronditi botën. Martin Schoots, agjenti dhe miku i tij, ka rrëfyer bisedën që ka bërë me fantazistin danez duke konfirmuar se Eriksen ndihet mirë, madje është i gatshëm të stërvitet:
“Ishte i lumtur sepse kuptoi se sa shumë dashuri e rrethonte. I kanë ardhur mesazhe nga e gjithë bota por është prekur më shumë nga mesazhet e Inter, jo vetëm të lojtarëve por edhe të tifozëve. Ai i falënderon të gjithë dhe të gjithëve i thotë se nuk ka ndërmend të heq dorë, ai dëshiron ti rikthehet jetës së dikurshme”, u shpreh agjenti i Eriksen në një prononcim për “Corriere dello Sport”.
Edhe pse e pamundur rikthimi i tij në fushën e gjelbërt, në bisedën që ka pasur me shokët e skuadrës në përfaqësuese, Eriksen iu drejtua me fjalët se është i gatshëm të nis stërvitjen, për të zbritur në fushë kundër Belgjikës së Lukakut, i cili i dedikojë golat kundër Rusisë.
