Enti Rregullator i Energjisë Elektrike ka mbledhur bordin këtë të premte për të pezulluar rritjen e tarifës për energjinë elektrike për tetorin. Bordi diskuton “Për një ndryshim në vendimin nr. 242, datë 23.09.2022, të bordit të ERE-s, “Mbi miratimin e çmimit të shitjes së energjisë elektrike prej 42 lekë/kWh për konsumin
mbi 800 kWh/muaj për klientët familjarë për periudhën 1 Tetor – 31 Dhjetor 2022”, thuhet në njoftimin e shpërndarë për mediat.
Kryetari i ERE, Petrit Ahmeti tha se “çmimi i KESH për OSHEE nuk do të ndryshojë”.
“Vendimi i mëparshëm nuk ka efekt, leximi do te behet në fund të muajit”, tha ai.
Mbledhja e bordit të ERE vjen pasi qeveria anuloi vendimin për vendosjen e fashës 800 kwh për muajin tetor. ERE sot anulon rritjen e çmimit për muajin tetor, dhe propozon vendosjen e fashës 800 kwh nga 1 nëntori deri më 31 dhjetor 2022.
Ndërkohë kujtojmë se kryeministri Edi Rama më 30 shtator tha se qeveria tërhiqet nga fasha e lajmëruar më herët.
