Dy shqiptarë, të cilët drejtonin trafikun e drogës që funksiononte “si një shërbim taksi”, janw nw dwnuar me burg nga autoritetet britanike. Sipas mediave britanike, shqiptarët Fatlind Boshnjaku dhe Ergys Aliaj, drejtonin trafikun e drogës duke furnizuar me kokainë dhe heroinë përdoruesit vendase duke arritur fitime deri në gjysmë milion paund.
Dy shqiptarët, Boshnjaku dhe Aliaj dolën para gjykatës ku akuzohen për trafik të drogës së klasit A. Boshnjaku u dënua me tetë vjet burg ndërsa Aliaj me dy vjet e katër muaj.
David Hughes, duke u mbrojtur, tha se Boshnjaku kishte ardhur në Mbretërinë e Bashkuar nga Shqipëria që 15-vjeç për t’i shpëtuar dhunës.
Ai kishte mbërritur me një furgon dhe ishte marrë nën kujdesin e shërbimeve. Kur mbushi 21 vjeç, ai ishte ‘i zhgënjyer nga shërbimet sociale’ u përfshi në komunitetin shqiptar duke u marrë me punë të paligjshme, siç ishte trafiku i drogës.
Ndërsa për Aliajn, avokati tha se ishte 17 vjeç kur mbërriti në Britani dhe se ai ishte larguar nga Shqipëria për t’i shpëtuar dhunës së bandave, ndërsa ka punuar nëpër lavazhe në Angli dhe tani dëshiron t’i kthehet jetës normale. Por gjykata nuk i ka pranuar kërkesat e avokatit duke lënë në burg dy shqiptarët.
Trafiku i drogës
Ata përdorën të ashtuquajturën ‘metodë të kodit postar’ për të bërë të mundur dërgesat e kokainës dhe heroinës në qindra vende të ndryshme. Nga ana tjetër, policia ra në gjurmët e tyre përmes përgjimit të mesazheve dhe bisedave telefonike.
Sipas dosjes së prokurorisë angleze, sistemi i shitjes së drogës funksiononte si një shërbim taksi, ku klientët kontaktonin përmes mesazheve me tekst në numrin që kishin lënë trafikantit për të bërë porosinë dhe më pas korrierit i jepej vendndodhja dhe udhëzimet nga kontrollori se ku të kryente marrëveshjet. Boshnjaku kontrollonte linjat, shpesh nga Londra, merrte porosi nga klientët dhe drejtonte të paktën katër korrierë, përfshirë Aliajn.
Në dosjen e Prokurorisë, thuhet më tej se linja e drogës përdorte edhe marifete marketingu si shërbimi 24/7 dhe oferta më të mira për ata që sillnin edhe një mik për të blerë drogën. Ata kryenin pazaret e trafikut të drogës në vende të ndryshme, duke përfshirë Kershaë Close në Taunton, parkun e makinave Asda në Ëellington dhe Stogursey.
Prokurori Alistair Haggerty tha se policia vlerësoi se nga provat telefonike dilte që numri i përgjithshëm i marrëveshjeve të kryera nga banda midis tetorit 2020 dhe marsit 2021 ishte gati 12 mijë. Ndërsa vlera e marrëveshjeve ishte gati gjysmë milioni paund.
Të pandehurit u arrestuan më 31 mars në posedim të drogës dhe parave të gatshme. Policia thotë se komploti përfshinte rreth 6 kg drogë. Dhjetëra oferta në ditë kryheshin nga korrierët në qindra lokacione.
