Performanca e fundit e Era Istrefit me këngën “BonBon” në njërin prej televizioneve më të mëdha në Gjermani ka bërë bujë. Moderatori i emisionit “Schlag den Star” në kanalin gjerman Pro7, e ka quajtur Erën si Rihanna e shqiptarëve, duke treguar se ajo vijon të qëndrojë në vendin e 10 në top listën muzikore të Gjermanisë dhe ka tendencë të ngjitet edhe më lart.
Duke folur me shumë vlerësim edhe për popullaritetin që ka fituar këngëtarja në një kohë shumë të shkurtër, prezantuesi i emisionit ka falënderuar Erën edhe në gjuhën shqipe për praninë në show: “Faleminderit Era!”
