Enca këtë verë ka vendosur të bëjë pushim, ndryshe nga kolegët e saj që kanë bërë “namin” me bashkëpunime. Në fakt këngëtarja prej disa kohësh ka bërë një hap prapa nga tregu muzikor, teksa ka udhëtuar më shumë se kurrë, gjë që e kemi vënë re fare qartë nga Instagram-i saj. Por edhe pse larg tregut, Enca nuk qëndron larg “halleve” të muzikës tonë dhe tani ka ironizuar sërish kolegët. Më saktë ka ironizuar klikimet e tyre. Me anë të një Insta Story ajo thotë: “Punë punë natë e ditë, që viwesat me i rrit. Paçi fat”
Qartësisht një thumb drejtuar artistëve të tjerë. Ndjekësit e saj aludojnë se bëhet fjalë për një ironi ndaj Dhurata Dorës, e cila me këngën e saj më të re arriti 3.5 milionë shikime në një ditë. Megjithatë mund ta ketë me këdo, duke qenë se të gjithë këngëtarët, siç kanë bërë namin me klikime, e kanë bërë edhe me klikime.
Ndërkohë, nuk është hera e parë që këngëtarja shpreh mendimin e saj për këtë temë, teksa po në Instagram, para pak kohësh u shpreh kështu për shikimet fake: “Nuk po them që çdo këngë me 1 milionë shikime në ditë është ‘fake’ por po them që 90 përqind e tyre janë… Më mirë i harxhoj paret për pushime e biznese të reja sesa për ‘fake views’ për me kënaq egon”.
