Një 55-vjeçar ka rënë në prangat e policisë në Lezhë. Mësohet se 55-vjeçari, Paulin Zefi, banues në Balldre pasi dyshohet se ka kultivuar në tokën në pronësi të tij, bimë të dyshuara narkotike, të cilat janë asgjësuar me anë të djegies.
“Goditet një rast i kultivimit të bimëve narkotike, arrestohet në flagrancë autori i dyshuar.
Goditet dhe një rast i shpërndarjes së lëndëve narkotike, arrestohet në flagrancë autori i dyshuar.
Asgjësohen bimët e dyshuara narkotike, sekuestrohet një sasi lënde e dyshuar narkotike cannabis sattiva.
Në vijim të punës për parandalimin dhe goditjen e veprimtarisë kriminale në fushën e narkotikëve, shërbimet policore të Komisariatit të Policisë Lezhë, kanë vijuar kontrollet e territorit.
Si rezultat i kontrolleve është evidentuar dhe goditur një rast i kultivimit të bimëve narkotike, në Balldre. Për këtë rast është arrestuar në flagrancë shtetasi P. Z., 55 vjeç, banues në Balldre, pasi dyshohet se ka kultivuar në sipërfaqen e tokës në pronësi të tij, bimë të dyshuara narkotike, të cilat janë asgjësuar me anë të djegies. ”-njofton policia.
