Një 36-vjeçar ka rënë në prangat e policisë së Tiranës për veprat penale “Heqja e paligjshme e lirisë” dhe “prostitucioni”. Mësohet se 36-vjeçari i identifikuar si Klodian Lila, banues në Kavajë, ishte dënuar nga Gjykata e Rrethit Gjyqësor Kavajë, me 3 vite burgim.
Sipas bluve të Tiranës, ky shtetas akuzohet se ka marrë peng një femër, identiteti i të cilës ende nuk bëhet me dije dhe e ka detyruar të kryejë marrëdhënie seksuale me të, kundrejt pagesës.
“Ky shtetas ishte shpallur në kërkim, pasi Gjykata e Rrethit Gjyqësor Kavajë e ka dënuar me 3 vjet burgim për veprat penale “Heqja e paligjshme e lirisë” dhe “Prostitucioni”. Në korrik të vitit 2019, ky shtetas ka marrë në automjetin e tij një shtetase, pa dëshirën e saj, dhe ka kryer marrëdhënie seksuale me të, kundrejt pagesës.”-njofton policia.
