Katër persona janë vënë në prangat e policisë për kundërshtim të efektivëve të policisë në Fier. Mësohet se policia ka qenë duke kontrolluar një lokal, teksa është kundërshtuar nga katër personat, të cilët ishin klientë të lokalit. Ngjarja ka ndodhur në një lokal, në bulevardin “Ramiz Aranitasi” . Blutë e Fierit kanë zbarkuar në lokal për të kapur një rast paligjshmërie. Mësohet se në pranga ka rënë Julian Tafa, Enrik Metaj, Elsi Kapaj dhe Albano Metaj.
“Kundërshtuan punonjësit e Policisë, gjatë kryerjes së detyrës, vihen në pranga 4 shtetas.
Specialistët për Hetimin e Krimit Ekonomik e Financiar në DVP Fier arrestuan në flagrancë, për veprën penale “Kundërshtimi i punonjësit të policisë së rendit publik”, shtetasit J. T., 20 vjeç, E. M., 23 vjeç, A. M., 22 vjeç dhe E. K., 20 vjeç, banues në Fier.
Kjo pasi në një lokal në bulevardin “Ramiz Aranitasi”, 4 të rinjtë, të cilët ishin klientë në lokal, kanë kundërshtuar punonjësit e Drejtorisë Vendore të Policisë Fier, të cilët kanë qenë duke ushtruar kontroll për paligjshmëri, në këtë subjekt. Materialet i kaluan Prokurorisë, për veprime të mëtejshme.”-njofton policia.
