Katër të rinj shqiptarë kanë përfunduar pas hekurave në Britaninë e Madhe pasi u kapën gjatë një operacioni të madh anti-kanabis.
Ata janë Leo Metushi, 38-vjeç, Zenel Tusha, 23-vjeç, Petrit Tusha, 26-vjeç dhe Mirush Tusha, 23-vjeç.
Ata thanë se kishin ardhur në Britani për një jetë më të mirë, dhe pretenduan se u arrestuan vetëm një ditë pasi kishin mbërritur në vend, gjatë komunikimit me gjykatën përmes telekonferencës nga burgu i Durham-it.
Por prokurori pretendoi se shqiptarët kishin kohë që merreshin me shpërndarjen e kanabisit. Ai tha se gjatë operacionit në shtëpinë e tyre u gjet një letër që detajonte importin dhe shitjen e kanabisit, si dhe fitimet që kishte bërë secili prej katër shqiptarëve.
Fitimet shkojnë rreth 200 mijë paund në total.
Prokurori tha se shqiptarët kishin blerë kanabis me vlerë 16,000 paund, dhe pasi e kishin ndarë, e kishin shitur për 3,800 paund kilogrami, duke bërë 23,500 paund fitim, të cilat u ndanë mes tyre.
