Pas zëvendësimit të 3 anëtarëve në bordin administrativ të universitetit të Tiranës kanë nisur përplasjet e para jo vetëm brenda rektoratit por edhe nga fakultetet të cilat kundërshtojnë rektorin Mynyr Koni dhe urdhrin e ministres së arsimit.
Koni pohon se zëvendësimi edhe pse i pa argumentuar nga ministrja është legjitim, por të njëtin mendim nuk e ndan ish drejtuesi i këtij institucioni, sot dekan tek Fakulteti Ekonomik.
Rektori Koni flet edhe për një vonesë në miratimin e kritereve për administratorin e ri të këtij Universiteti gjë e cila ka sjellë edhe përplasje me kancelarin Robert Skënderi i cili sipas rektorit ka bllokuar punën administrative.
Por Dhori Kule veprimet e Konit i cilëson abuzive dhe shkelje të rënda. Sipas dekanit nuk përjashtohen problemet qe mund të ndodhin edhe këtë vit me pranimet. Kjo për shkak të mosmiratimit të rregullores nga senati i Universitetit dhe për këtë bën përgjegjës rektorin Koni dhe anëtarë të senatit.
Në kulmin e debateve dhe akuzave, në Bordin e Universitetit të mjekësisë janë dorëhequr dy prej 3 anëtarev të emëruar së fundmi nga ministrja teknike përkatësisht, Daniela nika dhe Hari Mulla. Dy anëtarët dorëzuan dorëheqjen pranë ministrisë me arsyetimin se nuk mund të bashkëpunonin me pjesën tjetër të bordit për mbarëvajtjen administrative të Universitetit të Mjekësisë.
