Ky është mesazhi që i ka dërguar Eugent Bushpepës Elton Deda, një nga yjet e rock–ut shqiptar.
Genti, je super artist.
Nderove veten dhe sakrificat e tua që nuk t’i ka falur askush, por i ke fituar vetë me rrylin e fytit. Nga Eurovizioni do kthehesh me një eksperiencë më të madhe, diçka që do të të shërbejë në karrierë.
Profesionistët të votuan dhe për pak nuk ishe në 5-çe, por nuk mund të kesh zhgënjim, pasi vetëm një budalla emotivo-superhormonal, nuk i kupton politikat e lëpirjeve dhe servilizmave të “mesazheve glorioze” të këtij aktiviteti mediokër.
Unë, personalisht e kam shijuar këngën në Festival dhe e shijova plotësisht edhe në skenën fantastike të Lisbonës. Mbaje kokën lart, sepse (të paktën për mua), ishe vokalisti më i mirë i Eurovizionit dhe djali modest që kushedi se ç’heq të bashkëjetojë me madhështinë e rock n’ roll-it brenda teje. Për mua është mision i kryer dhe me sukses.
Dua shumë t’i pershendes edhe Kolin, Kleartin, Rezin dhe gjithë stafin e RTSH-së që të ka ndenjur afër në Lisbonë dhe të kanë dhënë zemër. Në veçanti, dua t’u them urimet më të mira, Denisit, Gertit, Gretës, Eriolës, të cilët kompletonin me profesionalizem dhe qetësi, garancinë absolute të performancës së këngës. Vazhdo të na kënaqësh.
Miku që të do të mirën (jo si te Vani me letra poshtë derës).
