CEO i Tesla, Elon Musk ka ofruar 72 milion £ për shpikësit që zbulojnë një mënyrë për të luftuar ndryshimin e klimës.
Themeluesi i SpaceX tha se ai do të paguante 100 milion dollarë për njerëzit që gjejnë një mënyrë për të hequr dioksidin e karbonit nga oqeani ose atmosfera.
Duke iu drejtuar miliona ndjekësve të tij në Tëitter të enjten, Ditën e Tokës, miliarderi tregon se është i apasionuar pas botës dhe shëndetit të saj aktual.
“Tani për tani ne kemi vetëm një planet. Edhe një shans prej 0,1% e katastrofës pse ta rrezikosh atë? Është çmenduri”, është shprehur ai.
Organizatorët po e quajnë atë ‘çmimin më të madh stimulues në histori’ dhe do të zgjasë për katër vjet deri në Ditën e Tokës në 2025.
Ai madje tha se është i hapur për rritjen e çmimit me kalimin e kohës nëse shuma prej 72 milion £ nuk është mjaft nxitëse.
“Unë nuk mendoj se ne jemi aktualisht të dënuar. Nëse vazhdojmë, të vetëkënaqur, ekziston një rrezik i ndryshimit jo-linear të klimës”, është shprehur Musk.
Heqja e karbonit kushton më shumë se 300 dollarë (216 £) për ton metrikë dhe bota lëshon gaze serrë ekuivalente me rreth 50 miliardë ton CO2.
Deri në vitin 2050, vlerësimet pretendojnë se mund të jetë e nevojshme heqja e 10 miliardë ton karboni.
“Unë mendoj se kjo është një nga ato gjërat që do të marrë pak kohë për të kuptuar se cila është zgjidhja e duhur dhe veçanërisht për të kuptuar se cilat janë ekonomitë më të mira për heqjen e CO2”, është shprehur Musk.
Musk ka krijuar një reputacion për t’u përqendruar në mjedis duke e kthyer kompaninë e tij të makinave elektrike, Tesla, në kompaninë më të vlefshme të automjeteve në botë. Ai gjithashtu është zgjeruar në polare diellore në mënyrë që klientët të karikojnë automjetet e tyre pa karbon.
