Këngëtarja shqiptare, Eleni Foureira është nderuar nga Presidenti i Qipros, Nicos Anastasiades, për suksesin e arritur në “Eurovision 2018”. 31-vjeçarja ishte shumë pranë triumfit në edicionin e 63-të të Festivalit Evropian të Këngës, duke u renditur në vendin e dytë në klasifikimin e përgjithshëm.
“Është nder i madh që u pranova dhe mora çmim nga presidenti Nicos Anastasiades në Nicosia. Ndihem krenare që e përfaqësova Qipron në “Eurovision 2018” me Fuego”, ka shkruar këngëtarja në Instagram.
Edhe në profilin e presidentit të Qipros janë publikuar disa foto nga takimi me këngëtaren shqiptare. Presidenti i Qipros, Nicos Anastasiades, e ka falënderuar atë për përfaqësimin e denjë të Qipros në Eurovision.
https://www.instagram.com/p/BjmYCsFAeXZ/?taken-by=foureira
https://www.instagram.com/p/BjmYjE5gOm4/?taken-by=foureira
