Sheshi Skenderbej do të presë sonte këngëtaren me origjinë shqiptare Eleni Foureira. Përfaqësuesja e Qipros në Eurovizion, që u klasifikua në vendin e dytë, sapo ka mbërritur në Tiranë. Eleni është nisur ditën e sotme nga aeroporti i Athinës e shoqëruar nga Renato Mekolli, i cili publikoi në profilin e tij në Instagram edhe një foto me këngëtaren.
Sipas kuzhinierit Eleni do të surprizojë sonte shqiptarët, pasi do të flasë shqip gjatë performancës së saj.Në koncertin e sotëm priten të performojnë edhe këngëtarë të tjerë shqiptarë si Eugent Bushpepa, Arilena Ara, Dhurata Dora, Ylli Limani dhe Young Zerka.
