Vetëm disa ditë pasi u ekstradua nga Italia pasi kërkohej për vrasjen e dy vëllezërve Hasho në Vlorë, Gjykata ka vendosur të lërë të lirë Gerti Selimaj, duke i caktuar masën e sigurisë “arrest shtëpie”.
Vendimi është marrë nga gjyqtarja Vjola Canaj e cila ka caktuar për 47-vjeçarin masën e sigurisë “arrest në shtëpi”, duke e ndryshuar nga “arrest me burg”.
Familjarët e vëllezërve Beqir dhe Elmaz Hasho kanë kundërshtuar vendimin e gjyqtares për të lënë në arrest shtëpi autorin, duke e ankimuar atë, ndërsa bëjnë thirrje që dënimin ta kryejë në burg.
“Si mund të lihet i lirë një vrasës që ka kryer vrasje të dyfishtë. Kemi 20 vjet që po presim këtë drejtësi dhe gjykata e lë në arrest shtëpia. Duhet ta kthej shteti në burg, – tha djali i Elmaz Hashos, Xhuliano.
“Unë jam gruaja e Beqir Hashos. Besoja te drejtësia dhe drejtësisë shqiptare i kërkova që të zbardhet çështja. Mos na vrisni për herë të dytë”, tha gruaja e Beqir Hashos, Mimoza Hasho.
Ngjarja e rëndë ka ndodhur më 22 nëntor të vitit 1998 në lagjen “Pavarësia”, në Vlorë. Një i afërm i Gerti Selimajt mbeti i plagosur në vitin 1998. Të dy vëllezërit e dërguan në spital të plagosurin, por akoma nuk dihet se si nisi ngjarja. Në spital ka shkuar edhe i afërmi i të plagosurit, Gerti Selimaj, i cili u ka kërkuar llogari vëllezërve për një armë që ishte zhdukur nga vendngjarja. Ata u përplasen në ambientet e spitalit dhe më pas Selimaj ka vrarë me armë zjarri dy vëllezërit Hasho.
Por, nuk përfundon me keq, pasi ai është dënuar në Itali së bashku me vëllain e tij, Altin Selimaj pasi kanë therur me thikë një shqiptar, ngjarje kjo e ndodhur në vitin 2015. Pas arrestimit dy vëllezërit Selimaj u dërguan në Burgun e Tarantos në pritje të gjyqit.
