Bujar Çela, vëllai i të shumë kërkuarit Talo Çela u ekzekutua mëngjesin e sotëm në një atentat mafioz në Elbasan.
50-vjeçari u vra teksa po futej në një lokal në zonën e Bradasheshit. Pronari i lokalit ku ndodhi ngjarja ka rrëfyer atë që ka parë.
Ka pasur disa dëshmitarë të ngjarjes, por pronari i lokalit ku ndodhi ngjarja rrëfen se ishte duke shërbyer në banak kur dëgjoi një zhurmë, por që nuk mendoi se ishin të shtëna armësh.
Ai doli dhe pa trupin e përgjakur të Bujar Çelës dhe njoftoi menjëherë Policinë.
Tashmë shtohen dyshimet se atentatorët kanë qenë profesionistë dhe sulmi ishte i organizuar teksa pistoletat me të gjitha gjasat kanë qenë me silenciator përderisa nuk u dëgjuan të shtëna në orët e para të mëngjesit.
