Mbrëmjen e djeshme në Belgjikë 43-vjeçari shqiptar, i identifikuar si Erion Hasanbelliu, u plagos me gjashtë plumba në shpinë dhe këmbë.
Sipas portalit të madh belg, HLN, ngjarja ka tronditur kalimtarët pasi ndodhi në një zonë pedonale, shumë afër një hoteli të njohur. Dëshmitarët e krimit janë të shokuar, shkruan portali, duke theksuar se bëhet fjalë për një hakmarrje mes shqiptarësh. Portali thekson se një krye-kriminel shqiptar kërkoi hakmarrje në mes të Brukselit.
Kasandër Noga, 44 vjeç, dyshohet se është autori i plagosjes. Portali shkruan se ai është i njohur për vrasjen në reanimacion, kur ekzekutoi babanë e Hasanbelliut. Një vit më vonë, familja Hasanbelliu vrau një mikun e Kasandrit në një kafene në Antverpë. Kasandri i mbijetoi tentativës së vrasjes dhe tani është rikthyer për hakmarrje.
