Yje të ekranit e botës së showbizzit, si Natalie Portman, Cara Delevigne dhe Gemma Arteton ishin në mesin e personave të famshëm të ftuar në Muzeun e Arteve Dekorative të Parisit për çeljen e ekspozitës së re në nder të Christian Dior.
Eventi ishte një kremtim që i bëhej 70-vjetorit të shtëpisë së njohur të modës. Të pranishme në sallë, por edhe në festën e zhvilluar më pas kanë qenë edhe Zonja e Parë e vendit, Brigitte Macron si dhe kryetarja e Bashkisë së Parisit, Anne Hidalgo.
Ekspozita vihet në gjurmët e historisë 7 dekadëshe të shtëpisë së modës së themeluar nga dizajneri ikonë Christian Dior.
Mbi 300 veshje “haute couture”, të krijuara që nga viti 1947 e deri në ditët tona prezantohen aty në krah të skicave, fotografive, aksesorëve, letrave, dorëshkrimeve e veprave të artit që kanë shërbyer si frymëzim për dizajnerët duke krijuar një dialog mes tyre dhe kontekstit kulturor.
Ekspozita do të hapet për publikun e gjerë më 5 korrik e do t’i mbaje dyert e saj të çelura deri 7 janarin e vitit 2018.
