Dilema e disa javëve më parë ishte nëse Einxhel Shkira është apo jo shtatzënë. Dilema e ditëve të fundit është gjinia e bebes së saj. Pas konfrimimit nga ana e moderatores se është në pritje të ëmbël, të shumta kanë qenë aludimet nëse Dagz dhe Shkira do të bëhen me vajzë apo me djalë.
Mirëpo nëse bëjmë një analizë të thjeshtë të daljeve të Einxhel, pas zërave se ajo është shtatzanë, moderatorja ka zgjedhur të vishet vetëm me ngjyrën rozë. Ish-banorja e Big Brother Vip ishte e ftuar në jurinë e She/ He’s on Top ku kishte zgjedhur të vishte një komplet në rozë të theksuar, dhe krahëve mbante një shall tyli në nuance më të çelura. Në këtë dalje të saj publike ajo u ngacmua shumë në lidhje me lajmet e atyre ditëve mbi shtatzaninë e saj.
Së fundmi ajo postoi edhe një foto ku dukej së bashku me Dagzin të shtrirë teksa “loznin” me barkun e rrumbullakosur. Serish në këtë foto Einxhel është me një bluzë të shkurtër ngjyrë rozë. Mos ndoshta të gjitha këto janë një mënyrë nga moderatorja për të treguar gjininë e fëmijës që pret?! Gjithsesi për diçka më konkrete na duhet të presim një konfirmim zyrtar nga Einxhel Shkira dhe Dj Dagzi.
Kujtojmë se në një postim në rrjetet sociale Monika Lubonja shkroi: “Jam e bindur që po vjen princesha juaj.” Mbetet për tu parë nëse ky parashikim i Monikës do të rezultojë i vërtetë. Disa më parë në një intervistë për “Pushime on Top” përsa i përket gjinisë së fëmijës, Einxhel tha se kanë dëshirë që gjininë e fëmijës ta zbulojnë një festë me të afërmit e tyre. “Gjininë nuk e dimë, do e ndajmë me gjithë njerëzit e afërt, të bëjmë një festë.”
