Merr fund. Arrestohet pengmarrësi. Reuters duke cituar mediat në Qipro bëjnë të ditur se pengmarrësi është parë teksa del nga avioni me duart lart. Një avion me 81 pasagjerë në bord i linjës ajrore Egyptair i nisur nga Aleksandria me destinacion Kajron ishte rrëmbyer mëngjesin e sotëm. Janë ende të paqarta informacionet për emrin e personit dhe arsyet e pengrmarrjes.
ora 11:00 Janë liruar edhe 5 anëtarët e ekuipazhit të avionit. Autoritet qipriote informojnë se nuk bëhet fjalë për terrorizëm. BBC informoi se rrëmbyesi ka kërkuar të takojë gruan e tij e cila aktualisht po shkon drejt aeroportit, bëjnë të ditur burime policore të Qipros. Ajo jetonte në një fshat jo shumë larg avionit.
Ora 10: 30 Pasagjere te tjere lene avionin
Televizioni shtetëror i Qipros raportoi se rrëmbyesi ka hedhur një letër në të cilën kërkon të takohet me ish-gruan që jeton në Qipro. Ai kërkon azil politik në Qipro. BBC raporton se pasagjerë të tjerë kanë lënë avionin e marrë peng, ndër të cilët 8 shtetas amerikanë, 2 britanikë, 2 belgë, një Italian, një hollandez dhe 30 egjiptianë.
Mediat identifikojne rrembyesin e avionit
Ora 09: 45 Sky News citon TV shtetëror qipriot se Rrëmbyesi është identifikuar si Ibrahim Samaha nga Egjipti dhe se kërkon përkthyes dhe azil politik. Nga ana tjetër disa media thonë se është me kombësi libiane
Në orën 09: 20 Egyptair njoftoi sërish përmes një mesazhi në Twitter se pas negociatave janë lënë të lirë të gjithë pasagjerët egjiptianë por janë mbajtur në avion ekuipazhi dhe 5 shtetas të huaj. Të huajt që kanë mbetur në bordin e avionit janë tre shtetas britanikë, një Italian dhe një irlandez. Mediat raportojne se pasagjerët e huaj që ndodhe në bord janë europianë. Mediat në Qipros flasin për 30- 40 pasagjerë të cilët janë lejuar të largohen nga avioni.
Në avionin e linjës Aleksandri-Kajro kishte 81 pasagjerë
09:05 Një avion me 81 pasagjerë në bord i linjës ajrore Egyptair i nisur nga Aleksandria me destinacion Kajron është rrëmbyer mëngjesin e sotëm. Lajmi është konfirmuar nga kompania ajrore përmes një postimi në Twitter. Avoni bëri ulje të detyruar në aeroportin Larnaka në Qipro pasi piloti ishte kërcënuar nga një pasagjer i cili mban një jelek me eksploziv.
