Efektivët e Gardës së Republikës kanë dhuruar sot gjak për personat në rrezik për shëndetin dhe jetën e tyre.
Nevojat për gjak në spitalet publike janë të konsiderueshme, për shkak se dhuruesit e gjakut janë të paktë, e për këtë arsye nxiten institucionet e shtetit e qytetarët të përkrahin fushatat për dhurimin e gjakut.
Gardistët njihen më së shumti për përgatitjen e tyre fizike dhe profesionale, si një formacion që ka për detyrë mbrojtjen e personaliteteve më të larta të shtetit dhe institucioneve të rëndësishme në vend.
Nisma për dhurimin e gjakut për spitalet publike ku janë të sëmurët me diagnoza që kërkojnë transfuzion të vazhdueshëm gjaku, është përkrahur nga disa institucione, nëpunësit e të cilëve do të dhurojnë gjak në mënyrë vullnetare.
