E kundërta e “kinse patriotit“, sipas Ramës, duhet të jetë prototipi i një kosmopoliti që nuk i pengon Bregoviçi i veshur me kapotën serbe AntiNATO dhe i shartuar me qëndrime Proruse… Nuk i pengon Bregoviçi që me këngën e tij në Selanik ka sensibilizuar disponimin AntiNATO, që i bie se ka kundërshtuar dhe sabotuar solidaritetin ndërkombëtar me Kosovën. Bregoviçi di vetëm një gjuhë solidariteti, atë me Serbinë dhe kundër NATO–s, atë të Rusisë dhe kundër Ukrainës…
Shkruan Emin Azemi
Goran Bregoviçi kishte marrë pjesë në një koncert politik në Selanik, në shenjë proteste kundër bombardeve të NATO-s, në muajt mars, prill, maj – 1999 si përgjigje ushatarake ndaj Serbisë, e cila po kryente gjenocid në Kosovë. Atyre muajve të paharruar, shqiptarët e Kosovës flinin maleve dhe kaptonin kufinj për të mbrojtur kokën nga xhelatët e Millosheviçit. Atyre muajve të kobshëm, foshnjeve të Kosovës iu mungonte qumshti dhe nënat e tyre mblidhnin kokrrat e shiut nga siperfaqet e gjetheve dhe njomnin buzët e shkrumuara të bebeve të tyre.
Goran Bregoviçi asnjëherë nuk ishte distancuar ndaj politikës kriminale të Serbisë kundrejt Kosovës.
Goran Bregoviçi ishte solidarizuar me aneksimin e Krimesë nga ana e Rusisë. Për këtë arsye atij iu ndalua të mbaj koncert në Poloni. Por, asnjë politikan i lartë polak nuk i quajti primitiv bashkëkombasit e tij për këtë akt solidarizimi me Ukrainën…
Nëse polakët paskan tregu një sens aq të lartë refizumi ndaj një Goran Bregoviçi , atëherë çka duhet të ndodhë në kokën e Edi Ramës që ta kuptojë se edhe shqiptarët e Kosovës e kanë një sens tjetër madje edhe më të zhvilluar – atë të të qenit viktimë e një politike gjenocidale, që edhe sot nuk po i mbyll plagët, sepse është një politikan me emrin Aleksandar Vuçiç, i cili po e përdor miqësinë e tij me kryeministrin shqiptar për të poshtëruar dhe nënshtruar Kosovën.
Geron Bregoviçi del kundër NATO-s në mbrojtje të Serbisë.
Goran Bregoviçi del kundër Kosovës, në mbrojtje të politikës kriminale serbe.
Goran Bregoviçi del në mbrotje të aneksimit të Ukrainës, për arsye se ai më të afërt e ndjen Rusinë…
Sipas një deduksioni logjik del se Goran Bregoviçi është antiNATO, anti Kosovë, proRUS…
Të gjitha këto defekte karakteriale të tij nuk i kanë shpikur “patriotët e qartur” të Kosovës…
Të gjitha këto janë shenja që identifikojnë gishtërinjtë e një njeriu që ka prekur nga afër anën e gabuar të historisë.
Bregoviçi, me gishtërinjtë e tij, jo vetëm që ka dridhur telat e kitarës, por ai këtyre ditëve ka shkundur gjithë pezmin e qindra mijëra njerëzve të cilët në fytyrën e tij shohin poltronizmin dhe lojalitetin e artistëve ndaj pushteteve diktatoriale.
Tani, krejt në fund, nuk arrijmë ta kuptojmë një gjë: Që Edi Rama është një tifoz i qartur i Bregoviçit, këtë askush nuk po e vë në dyshim, por ajo çka nuk arrijmë ta kuptojmë lidhet me pezmin e tij kundër të gjithë atyre që nuk e duan Bregoviçin!
Në diskursin e Edi Ramës, i cili krejt pa takt barazon Dua Lipën me Goran Bregoviçin, ende mbisundon bindja se të mos e pëlqesh një këngëtar si Bregoviçi, patjetër duhesh të jesh “kinse patriot”.
E kundërta e “kinse patriotit”, sipas Ramës, duhet të jetë prototipi i një kosmopoliti që nuk i pengon Bregoviçi i veshur me kapotën serbe AntiNATO dhe i shartuar me qëndrime ProRUSE… Nuk i pengon Bregoviçi që me këngën e tij në Selanik ka senzibilizuar disponimin AntiNATO, që i bie se ka kundërshtuar dhe sabotuar solidaritetin ndërkombëtar me Kosovën. Bregoviçi di vetëm një gjuhë solidariteti, atë me Serbinë dhe kundër NATO-s, atë të Rusisë dhe kundër Ukrainës…
Një kryeministër normal, nuk mund të ketë pikëpamje të tilla aq të neveritshme për bashkëkombasit e tij këndej Drinit, veç nëse edhe ai nuk ka mbajtur qëndrime të fshehura kundër bombardimeve të NATO-s ndaj caqeve militariste të Millosheviçit.
Sepse, të kundërshtosh sensiblitetet e 70 për qind të kombit kundër një këngëtari kontraverz, nuk flet vetëm për mungesë mirëkuptimi dhe fleksibiliteti, por edhe për sasi të tepruar të injorancës për të qenë në anën e gabuar të atyre sensibiliteteve.
Pse o Edi Rama vazhdon të mbetesh një politikan kundërthënës, që asesi nuk po arrin të bëhesh lider…
