Falë ndërmjetësimit të qeverisë norvegjeze, Nicolas Maduro ka bërë me dije se qeveria dhe opozita kanë arritur marrëveshje për të krijuar një “tavolinë të përhershme të dialogut”.
Kjo u tha një ditë pasi përfunduan bisedimet në Barbados për zgjidhjen e krizës politike në vend.
“Pas tre ditëve të dialogut intensiv me opozitën venezuelase, ne kemi arritur një marrëveshje që të krijojmë një tavolinë të përhershme të dialogut”, shkruan Nicolas Maduro në rrjetet sociale.
Ai shtoi që ka “besim të plotë se qeveria dhe opozita do të arrijnë shumë shpejt një marrëveshje të shkëlqyer të paqes dhe bashkëjetesës”.
Përplasjet mes regjimit të Maduros dhe opozitës të udhëhequr nga Presidenti Juan Guaido kanë vazhduar në Venezuelë qysh nga 10 janari.
