I forti i Shkodrës, Safet Bajri, të cilit i kanë mbetur edhe 10 muaj burg, kërkon lirinë. Çështja është nën shqyrtim dhe ende nuk është shpallur vendimi. I “forti” i Shkodrës, pjesë e grupit kriminal Bajri, ka kërkuar lirimin me kusht duke i garantuar drejtësisë se nuk do të përfshihet më në krime.
Safet Bajri u arrestua në vitin 2018 në kuadër të operacionit “Oazi” dhe kjo është hera e dytë që ai kërkon liri me kusht, pasi i është refuzuar. Bajrit i kanë mbetur edhe 10 muaj dënim. Nga gjashtë vite, tre ai i shleu në Bruksel dhe 2 vite e dy muaj vijon t’i kalojë në qelitë e 302-shit.
Shkodrani akuzohet për trafik droge e prostitucion nga Gjykata e Brukselit. Për këto akuza ai është dënuar nga Apeli në Bruksel me 9 vite burgim. Ndërkaq në Shqipëri, Safet Bajri akuzohet për trafik droge, vrasje, gjobëvënie e shantazh. Bajrit i janë sekuestruar një sërë pronash në Shqipëri. Ndërkaq mësohet se urdhër-arreste janë dhënë dhe për disa persona të tjerë në Tiranë dhe Shkodër.
Nga ana tjetër, ai figuron në listën e personave më të kërkuar të Belgjikës, i dënuar me 9 vjet burg si kreu i një bande kriminale, që përpiqej të kontrollonte trafikun e drogës në Bruksel.
