Një ngjarje e rënë ka tronditur sot qytetarët britanik, pasi një e moshuar u përdhunua nga punonjësi i azilit ku jeton. Bëhet me dije se, ka rënë në pranga 48-vjeçari, i cili rezultoi se ka përdhunuar një grua të moshuar 99-vjeçe, e cila vuan nga demenca, çrregullime me trurin dhe përqëndrimin. Krimi ka ndodhur në azil për të moshuar në Blackpool. Sipas informacioneve, i arrestuari është Philip Carey, 48 vjeç, i cili punonte si pjesë e stafit të përkujdesjes për të moshuarit.
Arrestimi i tij u bë pasi familja e gruas kuptoi se sjellja e saj kishte ndryshuar. Ata vendosën një kamer në dhomën e saj. Familja e 99-vjeçares u tmerrua nga pamjet. Pas arrestimit, Carey është dënuar me burgim të përjetshëm nga Gjykata Mbretërore e Prestonit.
“Njeriu jonë i afërt ka përjetuar një tmerr të madh në duart e një njeriu që duhej të kujdesej për të. Dalluam se sjellja e saj kishte ndryshuar, ishte tërhequr shumë, nuk pranonte as të na përqafonte apo të na puthte. Ajo nuk donte që ne të qëndronim kur largoheshim nga azili. Jemi të shqetësuar për këtë sjellje dhe vendosëm kamera në dhomën e saj. U tmerruam nga ato që pamë duke mos imagjinuar dot që ajo të binte viktimë e dhunës seksuale”, shkruhet në deklaratën e bërë nga familja e gruas së moshuar.
