Një aksident i rëndë i ka marrë jetën një shqiptari në Itali. Mësohet se viktima është një 42-vjeçar, identiteti i të cilit nuk është bërë i ditur.
Viktima ishte duke udhëtuar me makinën e tij kur u përplas me një kamion në Brescia. Si pasojë e përplasjes së fortë, 42-vjeçari shqiptar humbi jetën menjëherë, ndërsa automjeti i tij ishte shkatërruar tërësisht.
Shkaqet e aksidentit të rëndë nuk dihen, teksa policia nisi hetimet për të zbardhur dinamikën. Në të njëjtën rrugë, disa minuta pas këtij aksidenti, një tjetër automjet u përplas me një kamion, por pa pasoja.
