Një aksident i rëndë ka ndodhur pak minuta më parë në aksin Lushnjë -Fier. Bëhet me dije nga burimet në terren se dy automjete, njëri me targa kosovare, janë përfshirë në aksident. Si pasojë njëra prej makinave është shkatërruar tërësisht dhe kthyer përmbysë në mes të rrugës.
Nga të dhënat paraprake raportohet se janë plagosur 3 persona, por nuk dihet për viktima. Ambulanca ka transportuar të lënduarit me urgjencë në spitalin e Lushnjës, ku po marrin trajtimin e nevojshëm mjekësorë dhe janë jashtë rrezikut për jetën. Megjithatë policia është në vendin e ngjarjes dhe po heton për zbardhjen e saj.
