Për pak janë kthyer në tragjedi pushimet e një 30-vjeçari në Sarandë. Sipas bluve, i riu M.J, banues në Dibër është dëmtuar aksidentalisht në kokë duke notuar në pishinë. I riu është dërguar në Spitalin e Traumës, për një trajtim më të specializuar. Ende nuk bëhet me dije si ka ndodhur ngjarja e rëndë.
“Sot, në mesditë, në spitalin e Sarandës është paraqitur për ndihmë mjekësore, shtetasi M. J., 30 vjeç, banues në Dibër, i cili dyshohet se është dëmtuar aksidentalisht në kokë, duke notuar në pishinë. 30-vjeçari është dërguar në Spitalin e Traumës, Tiranë, për mjekim më të specializuar.
Grupi hetimor po kryen veprimet për sqarimin e plotë të rrethanave të ngjarjes.”-njofton policia.
