Një ngjarje e rëndë është regjistruar në Pogradec, ku një person është gjetur i pajetë në një kanal. Sipas policisë, ngjarja e rëndë ka ndodhur në fshatin Buçimas, Pogradec ku në një kanal, është gjetur trupi i pajetë i një 50-vjeçari.
Nga këqyrja paraprake e trupit, nuk janë konstatuar shenja dhune apo dëmtime të tjera, ndërsa policia po punon për identifikimin e viktimës.
“Pogradec/Më datë 30.03.2022, rreth orës 10:00, jemi njoftuar se në fshatin Buçimas, Pogradec, në një kanal, është gjetur trupi i pajetë i një shtetasi rreth 50 vjeç. Nga këqyrja paraprake e trupit, nuk janë konstatuar shenja dhune apo dëmtime të tjera. Grupi hetimor po punon për identifikimin e viktimës dhe zbardhjen e rrethanave dhe shkaqeve të vdekjes së tij”, njofton policia.
